Ashk Aankhon mein chupaty huey thak jata hoon
Bojh paani ka uthaty huey thak jata hoon,
Paaon rakhty hain jo mujh par unhein ehsaas nai
Main nishaanaat mitaty huey thak jata hoon,
Barf aisi keh pighlti nai pani ban kar
Pyaas aisi keh bujhaaty huey thak jata hoon,
Achi lagti nai iss darja shanasaai bhi
Haath haathon se milaty huey thak jata hoon,
Gham _gussari bhi ajab kaar_e_ mohabbat hai
Keh main rony waalon ko hansaty huey thak jata hoo,
Itni qabrein na banao mery andar “MOHSIN”
Main charaghoon ko jalaty huey thak jata hoon.
No comments:
Post a Comment