Use Pana Use Khona Ussi ke Hijar mai Rona

Use Pana Use Khona Ussi ke Hijar mai Rona 

Yehi Gar Eshq hai Mohsin to HumTanha hi Ache hain

Mile hein bad Muddat ky,

Mile hein bad Muddat ky,
Bala k Sarad hein Lehjy,
K Jalna bhi nahi Mumkin!
Pighalna bhi nahi Mumkin!

Ta'luq TooT jane se,
Umeedein TooT jati hein,
Dilon mein Hasrtein ly kr,
 Behalna bhi nahi Mumkin!

Bohat Na-Kamiyan ley kr,
Hue hein Khaak k Qaidi,
Chalo ab Aaj se ghar se, 
Nikalna bhi nahi Mumkin!

Usse itna na socha kr,
Teri Aadat na ban jaye,
Phir aisi Aadtein Mohsin,
Badalna bhi nahi Mumkin!

Wo Kitna Mehrban Tha Ke Hazaron Ghum De Gaya

Wo Kitna Mehrban Tha Ke Hazaron Ghum De Gaya

*”Mohsin”*..!!

Hum Kitne Khud Gharz Nikle Kuch Na De Sake “MUHABBAT” K Siwa…

Kal Rat Maine Apne Dil Se Bhi Taluk Torr Diya”

Kal Rat Maine Apne Dil Se Bhi Taluk Torr Diya”

“Mohsin”

Kambakht tujhe Bhool Jane Ki Bat Karta Tha.

Uss zakhm k bharny me kuch dair tou lagti hai MOHSIN!!!

Uss zakhm k bharny me kuch dair tou lagti hai MOHSIN!!!

Jis zakham mein shamil ho kuch apno ki inaayat…!!

Wo Jo Khud Pairvi-E-Ehd-E-Wafa Karta Tha

Wo Jo Khud Pairvi-E-Ehd-E-Wafa Karta Tha

Mujhse Milta Tha Tou Talqeen-E-Wafa Karta Tha

Uske Daman Main Koi Phool Nahi Meray Liye

Jo Meri Tangi-e-Damaa.n Ka Gila Karta Tha

Aaj Jo Usko Bulaya Tou Wo Gumsum Hee Raha

Dil Dhadaknay Ki Jo Awaz Suna Karta Tha

Aaj Wo Meri Har Ek Baat Ke Maayni Poochay

Jo Meri Soch Ki Tafseer Likha Karta Tha

Uski Dehleez Par Sadiyon Se Khada Hoon “Mohsin”

Mujhsay Milnay Ko Jo Lamhaat Gina Karta Tha…!!!

Aaj Saqi Sharaab Rehnay Do

Aaj Saqi Sharaab Rehnay Do

Tishnagi K Azaab Rehnay Do

Ponch Dalo Na Aankh Se Kaajal

Kuch Tou Khanjar Pe Aab Rehnay Do

Tum Sanwaro Apni In Zulfon Ko

Meri Halat Kharab Rehnay Do

Chaand Badal Main Acha Lagta Hai

Adhay Rukh Pe Naqab Rehnay Do

Un K Chehry Ki Baat Ho Jaye

Aaj Zikr-e-Gulab Rehnay Do

Un Ki Chokhat Ko Choom Lo “Mohsin”

Baki Saray Sawaab Rehnay Do….!!

Ager Mujh Se Bicherne Ka Nahe Hai Gham Osay Mohsin

Ager Mujh Se Bicherne Ka Nahe Hai Gham Osay

 Mohsin

Tu Phir Khamosh Raaton Main Wo Akser Jagta Kiyu Hai

Wo To Aaya Tha Kai Baar Manane Mujh Ko..

Wo To Aaya Tha Kai Baar Manane Mujh Ko..

Mujh Say Doori Main Jo Guzri Thi Sunane Mujh Ko..

Main Ny Hi Tark_e_Ta'aluq Ki Qasam Kha Li Thi..

Yaad Aa Gay Phir LOG Purane Mujh Ko..

Kuch To Aadat Hai Aankhon Ko Chalak Jane Ki..

Kuch Khayalat Bhi Aate Hain Rulane Mujh Ko.

Us Ko Dekhon To Dil Ko Pashemani Hoti Hai

Jo Dikhate The Kabhi Khuwab Suhane Mujh Ko

Us Ne Aik Lamhe Main Andaz Badal Dala "Mohsin"..

 Jis Ki Qurbat Main Lage Kitne Zamane Mujh Ko...

Sukhey nhi aaj tak tairi YADOO K Phool, MOHSIN

Sukhey nhi aaj tak tairi YADOO K Phool, MOHSIN

Main ne hamesha inko apne ANSUOO se tarr rakha hai. . 

Diya khud se bhuja dena

Diya khud se bhuja dena

Hawa ko Or kia dena

Kabhi is tor se hansna

K Dunya ko Rula dena

Kabhi is rang main rona 

K khud pe Muskura dena

Main teri Dastras chahon

Mughe Aesi Dua dena

Main tera Barmala Mujrim

Mughe khul kr saza dena

Main tera Munfarid sathi

Mughe hat kr jaza dena

Mughe Acha laga Mohsin

 Usay pa kr ganwa dena

Woh Kehta Rahta Hai Bari Majboorian Hain Waqt Ki “MOHSIN”

Woh Kehta Rahta Hai Bari Majboorian Hain Waqt Ki

 “MOHSIN”

Saaf Lafzon Main Woh Khud Ko Bewafaa Nahiin Kehta!

Ab Mohabbat ki Wakaalat Nahi Ki Ja Sakti

Ab Mohabbat ki Wakaalat Nahi Ki Ja Sakti

Shehr Bhar se to Adaawat Nahi Ki Ja Sakti

.

Mera Chehra Meri Aankhain hain Salaamat Ab Bhi

Kon Kehta Hai Wazaahat Nahi Ki Ja Sakti

.

Baat ye Hai k koi Toot k Chaahay to Sahi

Her kisi se to Mohabbat Nahi Ki Ja Sakti

.

Aankh Kehti Hai Kahin Aur Chalay Jaayen Hum

Dil ye Kehta Hai k Hijrat Nahi Ki Ja Sakti

.

Loh-e-Dil par Yehi Tehreer Likhi hay Mohsin

 Ishq Waalon ko Naseehat Nahi Ki Ja Sakti.

Habs-e-Duniya Say Guzar Jatey Hein ..!!

Habs-e-Duniya Say Guzar Jatey Hein ..!!

Aaisa Kartey Hein Keh Marr Jatey Hein ..!!

Kaisay Hotey Hein Bicharnay Walay..??

Hum Yea Sochein Bhi Toa Darr Jatey Hein ..!!

Dil Jo Tootey Toa Sar-e-Mehfil Bhi..!!

Baaal Be-Waja Bikhar Jatey Hein ..!!

Ab Na Dekho Meri Banjar Aankhein..!!

Chartey Daryaa Toa Uther Jatey Hein ..!!

Dhoop Ka Roop Rachaney Walay...!!

Shaam Ko Aur Nikhar Jatey Hein ..!!

Ab Na Murr Murr Kay Pukaroo Unko..!!

Log Rastay Mein Taher Jatey Hein ..!!

Khaali Damann Say Shikayat Kaisi...??

Aashk Ankhon Mein Toa Barh Jatey Hein ..!!

Tum Kahan Jao Gay Socho Mohsin ..??

 Log Thakk Haar Kay Ghar Jatey Hein .......!!

Ashk Aankhon mein chupaty huey thak jata hoon​

Ashk Aankhon mein chupaty huey thak jata hoon​

Bojh paani ka uthaty huey thak jata hoon,​

​

​

Paaon rakhty hain jo mujh par unhein ehsaas nai​

Main nishaanaat mitaty huey thak jata hoon,​

​

​

Barf aisi keh pighlti nai pani ban kar​

Pyaas aisi keh bujhaaty huey thak jata hoon,​

​

​

Achi lagti nai iss darja shanasaai bhi​

Haath haathon se milaty huey thak jata hoon,​

​

​

Gham _gussari bhi ajab kaar_e_ mohabbat hai​

Keh main rony waalon ko hansaty huey thak jata hoo,​

​

​

Itni qabrein na banao mery andar “MOHSIN”​

Main charaghoon ko jalaty huey thak jata hoon. ​