Ab Mohabbat ki Wakaalat Nahi Ki Ja Sakti

Ab Mohabbat ki Wakaalat Nahi Ki Ja Sakti

Shehr Bhar se to Adaawat Nahi Ki Ja Sakti

.

Mera Chehra Meri Aankhain hain Salaamat Ab Bhi

Kon Kehta Hai Wazaahat Nahi Ki Ja Sakti

.

Baat ye Hai k koi Toot k Chaahay to Sahi

Her kisi se to Mohabbat Nahi Ki Ja Sakti

.

Aankh Kehti Hai Kahin Aur Chalay Jaayen Hum

Dil ye Kehta Hai k Hijrat Nahi Ki Ja Sakti

.

Loh-e-Dil par Yehi Tehreer Likhi hay Mohsin

 Ishq Waalon ko Naseehat Nahi Ki Ja Sakti.

Me Udas Hoon Koi Baat Kar.

Mere Jaan -o- Dil Mere Hum Safar,
Me Udas Hoon Koi Baat Kar.

Tere Lab Hilen To Kate Safar,
Me Udas Hoon Koi Baat Kar.

Koi Boj Hai To Utaar De,
Koi Khof Hai To Nikal De.

Mera Haath Hai Tere Hath Par.
Me Udas Hoon Koi Baat Kr....

Ab to mumkin he nahi un se mulaqat Wasi

Ab to mumkin he nahi un se mulaqat Wasi

Ab to urooj pe pohunchi hai us ki zaat Wasi

wohi waady hain aur rasmon ki zanjeerein baqi

Kab badalti hain zamaney ki riwayaat Wasi

Ek wo din thy ke ek doosrey ko sochtey thy hum

Ab miltey nahi dono ke khayalaat Wasi